Webcams
Buscar
La Feria de Muestres supera yá les 743.812 visites del añu pasáu
El pabellón del Principáu bate'l so récor de visitantes, 81.000 persones
Güei acaba la Feria de Muestres d’Asturies y, anque queda cuntar el númberu de visitantes de güei, dende la organización aseguren que yá se superen los 743.000 asistentes del añu pasáu.
Nesta 67 edición batióse’l récor d’actos institucionales celebraos na Feria, con 140. Un 30% más si se comparen colos celebraos n’ediciones anteriores.
La Cámara de Comerciu de Xixón entamará mañana mesmu a trabayar na 68 edición de la Fidma, pa meyorar la esperiencia de visitantes y empreses presentes de cara al añu viniente.
El pabellón del Principáu bate’l so récor de visitantes al visitalu 81.000 persones
El pabellón del Principáu na Fidma batió’l so récor de visitantes. A falta de los datos de la última xornada entraron más de 81.000 persones. La esposición 'Asturias ye agua' foi la más visitada de la entamaes pol Principáu.
El 88% de los visitantes fueron asturianos, siendo la tarde l’horariu con mayor númberu de persones. Nes dos selmanes de feria’l pabellón acoyó 10 actividaes, 12 xornaes y recibió 23 visites institucionales.
Comer el bocáu de calamares y comprar productos a precios más baratos son dalgunes de les razones poles que la xente va a la Feria de Muestres. Y, anque’l tiempu nun acompañe, convirtióse nuna fecha que nun pue faltar nel calendariu.
Comparada con otros años, los más de los asistentes opinen qu’esta edición tuvo a l’altura, anque dalgunos echen en falta novedaes nos pabellones.
